Kristján Björgvinsson og Vilhjálmur Steinar Einarsson báru sigur úr býtum á afmælisgolfmóti Samiðnar sem fram fór á Hólmsvelli í Leirunni sunnudaginn 20. ágúst síðastliðinn.
Keppt var hvoru tveggja í höggleik með og án forgjafar.
Sigurvegarar í höggleik án forgjafar
- Kristján Björgvinsson
- Árni Freyr Sigurjónsson
- Hans Óskar Isebarn
Sigurvegarar í höggleik með forgjöf
- Vilhjálmur Steinar Einarsson
- Ágúst Þór Gestsson
- Ríkharður Kristinsson
Veitt voru nándarverðlaun á mótinu en þar varð Ríkharður Kristinsson hlutskarpastur. Einnig voru veitt verðlaun fyrir lengsta upphafshögg á 18. holu. Lengst sló Vilhjálmur Steinar, sigurvegari í höggleik með forgjöf.
Golfmótið var afar vel heppnað enda var leikið í blíðskaparveðri og aðstæður allar eins og best verður á kosið.
Samiðn óskar sigurvegurum og öðrum verðlaunahöfum til hamingju með árangurinn og þakkar þátttakendum fyrir eftirminnilegan dag í Leirunni.
